Bei Geleeënheet vun engem sympatheschen Owend koume mir op d’Kréinung vun der “Miss Mëllech II” ze schwätzen, op déi de Grupp Zuucht vun de Lëtzebuerger Jongbaueren a Jongwënzer am Joer 2002 invitéiert hat. Wéi folgend Biller et beweisen, hat d’Aktivitéit e grousse Succès bei de Memberen a Frënn vun der Lëtzebuerger Landjugend – Jongbaueren a Jongwënzer. De lëschtegen Owend gouf vum RTL-Speaker Patrick Greis moderéiert.

D’Gewënnerin an deemno “Miss Mëllech 2002” war deemols – an ass eigentlech nach ëmmer – d’Danielle Arendt. Wir et deemno net un der Zäit, fir dem Danielle den Titel streideg ze maachen?

Mir soen dem Danielle e grousse Merci fir d’Bereetstelle vun de Fotoen.