Kuckt Iech hei d’Fotoe vum ganze Weekend un!
Am Numm vum Verwaltungsrot vun der ONG soe mir de Verantwortleche vun der Landjugend Cliärref, der Landjugend Süden an der Landjugend Zenter e grousse MERCI fir déi schéi Geste vu Solidaritéit mat der ländlecher Bevëlkerung am Burkina Faso.
No/am Virfeld vun hire respektive Generalversammlungen 2021 (deelweis iwwer ZOOM) hunn si der ONG 500 € (LLJ Cliärref), 1.000 € (LLJ Süden) an 2.000 € (LLJ Zenter) zoukomme gelooss.
BRAVO!!!
D’Lëtzebuerger Landjugend a Jongbaueren Cliärref a.s.b.l. an Zesummenaarbecht mat der Robbesscheier vu Munzen presentéieren d’Fréijoersfest 2021.
Och dëst Joer kann d’Fréijoerssfest net a senger eigentlech geplangter Form stattfannen, dofir hu mer äis trotzdeem eppes iwwerluecht.
Et stinn 2 Menüen zur Auswiel, déi mir entweeder bei Iech heem liwweren (Kanton Cliärref) tëscht 9-18 Auer oder Dir kënnt Är Commande zu Munzen bei der Robbesscheier ofhuelen.
Reservatioun bis spéitstens de 15. Abrëll 2021 op:
Deelt äis do w.e.g. Ären Numm, Är Adress an och eng Telefonsnummer mat.
Weider Detailer zu de Menüe fannt Dir um Flyer an op der Facebook-Säit vun der LLJ Cliärref.
Vegetaresch Alternativ op Ufro.
Präis pro Këscht: 35€
Ënnerstëtzt den Horesca-Secteur an och d’Veräiner.
D’Marthe Bourg ass säit dësem Joer Vizepresidentin vun der LLJ.
De Bob Glod ass säit 2019 President vun der LLJ Cliärref.
E BRAVO un d’Landjugend Cliärref mat hirem President Bob Glod, fir dee schéine Gest zugonschte vun de Kooperatiounsprojeten an Afrika vun eiser ONG.
Op der dësjäreger Generalversammlung (18.07.2020) vum regionale Grupp vun der Lëtzebuerger Landjugend a Jongbaueren huet de Bob dem Romain Richer (President vun der ONG) – zesumme mat der Tresorière Véronique Reiff – e generéise Scheck vu 4.000 € iwwerreecht.
Am Numm vum Verwaltungsrot soe mir e ganz grousse MERCI!
Galerie mat 9 Fotoen.
Ufank Mäerz 2020 waren déi Jonk vun der LLJ Cliärref fir hir dësjäreg Kulturrees an Éisträich an am Süde vun Däitschland ënnerwee, wou si d’Firma Pöttinger, d’Voestalpine Stahlwelt an och e landwirtschaftleche Betrib kucke waren.
