Kategorie-Archiv: LLJ

Lëtzebuerger Landjugend a Jongbaueren a.s.b.l.

Groussen Engagement op der Foire Agricole 2018

Galerie mat 46 Fotoen.

Impressioune vum groussen Engagement vun de Membere vun der „Lëtzebuerger Landjugend a Jongbaueren“ um 1. Dag vun der Foire Agricole (29/06/2018) an den Däichwisen zu Ettelbréck: Accueil vun de bal 200 Schoulklassen (iwwer 3.000 Kanner a Jugendlecher, Féierunge vun de … Weider liesen

Fotoen, LLJ | Comments Off on Groussen Engagement op der Foire Agricole 2018

Treffe mat der Madame Elisabeth KANSSOLE, Chargée de programme vun der Partnerorganisatioun FEPAB

(v.l.n.r.) Jacqueline Monville, Martine Majerus-Clemes, François Glodt, Romain Richer, Carlo Schiltges, Elisabeth Kanssolé, Pol Majerus, Marcel Scheidweiler, Marie-Claude Dornseiffer-Marx (Foto: Philippe Mitsch)

En Dënschdeg, de 26. Juni 2018 am Centre Convict, Stad Lëtzebuerg

Am Kader vun der Visitt vun der Madame Elisabeth KANSSOLE (vum 25. bis 30. Juni 2018), Chargée de programme vun der « Fédération des Professionnels Agricoles du Burkina » (FEPAB), huet si d’Vertrieder vum Verwaltungsrot zesumme mam laangjärege Project Manager Marcel Scheidweiler vun eiser ONG de 26. Juni an der Stad getraff, fir si ënner anerem iwwer déi konkret Ëmsetzung vum neie Kooperatiounsprojet ze informéieren, deen zënter Mee 2018 a wärend dräi Joer a 26 Dierfer vum Boulkiemdé, Sanguié, Sanmatenga a Yatenga am Burkina Faso ëmgesat gëtt.

De Projet – dee vum Lëtzebuerger Kooperatiounsministère cofinanzéiert gëtt – huet zum Zil, d’Produktiounskapassitéite vun de lokale Produzenten duerch den Asaz vun der Traction Asine, den Accès u landwirtschaftlecht Aarbechtsgeschir an d’Verbesserung vun den Techniken ze optimiséieren.

D’Madame Elisabeth ass un éischter Stell vum Verwaltungsrot vun der ONG ageluede ginn, fir de Programm vum ambitiéise Projet am Detail mat der Madame Jacqueline MONVILLE, Chargée de projets vun eiser ONG, duerchzegoen, mee och fir eisen direkten Uspriechpartner méi no kennenzeléieren. Um Programm vun der sympathescher Dame steet dësweideren d’Visitt vum landwirtschaftleche Betrib vun der Famill Guth-Schweitzer vun Héiweng (28. Juni), wou sech fir si d’Geleeënheet ergëtt, fir sech mat Jonker aus dem regionale Landjugendgrupp Süden auszetauschen. Fir e Freideg, den 29. Juni – wéi kann et anescht sinn – hunn déi Verantwortlech vun der ONG da virgesinn, fir en Tour mat der Vertriederin vun der  Bauerenorganisatioun iwwer d’Foire Agricole vun Ettelbréck ze maachen.

 

FacebookTwitter
LLJ | Comments Off on Treffe mat der Madame Elisabeth KANSSOLE, Chargée de programme vun der Partnerorganisatioun FEPAB

Déi nei LLJ-Presidentin Angèle Mersch am Interview

Déi nei LLJ-Presidentin Angèle Mersch (an der Mëtt) mat hirer Virgängerin Nelly Meyers, an dem Marc Roeder, LLJ-President fir de professionelle Volet ronderëm d’Landwirtschaft

Zënter dem 44. Landjugenddag, deen den 10. Mee 2018 vun der Landjugend Cliärref zu Clierf  organiséiert ginn ass, huet d‘Lëtzebuerger Landjugend a Jongbaueren (LLJ) eng nei Presidentin an der Persoun vum Angèle Mersch. Si assuréiert deemno – zesumme mam Marc Roeder – d’Tâchen un der duebeler Spëtzt vun eiser Jugendorganisatioun.

Bekanntlech gëtt d‘Associatioun zënter de Modifikatioune vun de Statute vum 15. Abrëll 2016 vun zwee Presidente gefouert:

  • Dee professionelle Volet ronderëm d’Jongbaueren ass zënter dem 20. November 2016 vum Marc Roeder iwwerholl ginn;
  • deen éischter op Fräizäitaktivitéiten ausgeriichte Volet vun der Landjugend fält deemno neierdéngs an den Zoustännegkeetsberäich vum Angèle.

Bedéngt duerch nei berufflech a privat Erausfuerderungen huet d’Virgängerin vum Angèle hire Récktrëtt am Nationalcomité am November 2017 bekannt ginn. Geschwënn drop huet d’Angèle sech bereet erkläert, fir d’Funktioun vun der Presidentin vum 10. Mee 2018 un ze iwwerhuelen.

D‘Nelly Meyers huet eise Jugendmouvement vum Landjugenddag 2015 un, mat vill Geschéck a Fangerspëtzegefill gefouert. Mir soen eiser fréierer Presidentin heimat e ganz grousse MERCI fir hiert grousst Engagement am Interessi vun deene Jonken an eiser Associatioun.

Mat dësem Interview aus dem LLJ.News 2/2018 wëlle mir vun der Geleeënheet profitéieren, fir de Memberen, Frënn a Sympathisante vun der LLJ eis nei Presidentin virzestellen.

(Interview: François Glodt)

 

FacebookTwitter
LLJ | Comments Off on Déi nei LLJ-Presidentin Angèle Mersch am Interview

Foire Agricole fir Kanner a Jugendlecher

Foire Agricole fir Kanner a Jugendlecher (bis 15 Joer), e Freideg, den 29. Juni 2018

Wéi an deene vergaangene Jore bitt den Organisateur vun der Foire Agricole – an Zesummenaarbecht mat verschiddenen Aussteller:

  • de Schoulkanner vum Enseignement fondamental
  • de Schüler vun der 7e bis 9e vum Enseignement secondaire général
  • de Schüler vun der 7e bis 5e vum Enseignement secondaire classique

 

e Freideg, den 29. Juni 2018 (vun 09:00 – 15:00 Auer) eng Rei Atelieren un, fir hinnen d’Landwirtschaft, de ländleche Raum an d’Natur mat all hiren Diversitéite méi nozebréngen:

Workshops für Schulklassen (aktualiséierte PDF vum 5. Juni 2018, 16:00 Auer, mat zwee weidere Workshops: Nr. 22 – Rugby for kids, Nr. 49 – Sombänner selwer bastelen).

 

Zur Informatioun: Fir d’Schüler vum Secondaire général/classique sinn nach eng ganz Rei interessant Atelieren disponibel. Et lount sech deemno fir d’Léierpersonal fir e Bléck op d’Offer ze werfen:

Workshop   9: Die Kaskadenfunktion des Waldes
Workshop 25: Luxemburg und seine Wälder (Einheimische Pflanzen)
Workshop 26: Luxemburg und seine Wälder (Einheimische Tiere)
Workshop 27: D’Welt aus der Siicht vun eelere Leit erliewen (Simulatiounsparcours)
Workshop 31: Mystery flavors
Workshop 32: Magic Cup Cakes
Workshop 33: Time 2 Taste
Workshop 46: Lët’z talk about Rëndfleesch

 

WICHTEG: Fir d’Online-Reservatioune vun den Ateliere virhuelen ze kënnen, muss e Login vum Léierpersonal ugefrot ginn.

Aus organisatoresche Grënn kënne keng Aschreiwunge méi vum 22. Juni 2018 un (no 08:00 Auer) ugeholl ginn. Mir bieden ëm deen neidege Versteesdemech.

FacebookTwitter
LLJ | Comments Off on Foire Agricole fir Kanner a Jugendlecher

Offre d’emploi

Lëtzebuerger Landjugend a Jongbaueren a.s.b.l. / Action « Fro de Bauer »

recherche :

1 Responsable Sensibilisation (m/f)

pour engagement immédiat

  1. pour élaborer un programme d’information/de sensibilisation destiné aux jeunes de l’enseignement fondamental et ayant comme objectifs la valorisation du travail des producteurs locaux/régionaux de denrées alimentaires ainsi que le respect des produits agricoles
  2. pour organiser et animer ces ateliers pédagogiques dans les écoles de l’enseignement fondamental

 

40 heures/semaine CDD (1 an), avec possibilité d’évolution en CDI

Profil :

– Titulaire d’un diplôme supérieur en agronomie (bachelor)
– Connaissance des thématiques agricoles luxembourgeoises
– Maîtrise du luxembourgeois (indispensable), français et allemand
– Autonome, organisé(e), impliqué(e), orienté(e) vers les résultats
– Permis de conduire de la catégorie B1

Les demandes avec CV, lettre de motivation, copies des diplômes/attestations et extrait du casier judiciaire (bulletin N° 5) sont à envoyer jusqu’au 29 juin 2018 à :

Lëtzebuerger Landjugend a Jongbaueren a.s.b.l.
Action « Fro de Bauer »
5, avenue Marie-Thérèse
L-2132 Luxembourg

 

FacebookTwitter
LLJ | Comments Off on Offre d’emploi

Stop TTIP

Forderungen der Luxemburger Stop CETA & TTIP Plattform im Rahmen der Nationalwahlen

Der Widerstand gegen TTIP, CETA & CO geht weiter – Das Engagement für einen gerechten, sozialen, ökologischen und demokratischen Welthandel steht im Fokus: Forderungen


Les revendications de la plateforme luxembourgeoise Stop CETA & TTIP dans le cadre des élections législatives

L’opposition face à TTIP, CETA & Co continue – l’engagement en faveur d’un commerce mondial équitable, social, écologique et démocratique figure au centre des actions: Revendications

 

FacebookTwitter
Downloads, LLJ | Comments Off on Stop TTIP

Réckbléck op eng weider flott Editioun vum Landjugendddag

Galerie mat 179 Fotoen.

En Donneschdeg, den 10. Mee 2018, huet de regionale Landjugendgrupp “Cliärref” op Ischpelt op de 44. Landjugenddag invitéiert. D’Equipe ronderëm hire President Fränz Schlechter huet sech méintelaang am Virfeld op dat grousst Event preparéiert an näischt dem Zoufall iwwerlooss, fir … Weider liesen

Fotoen, LLJ, LLJ Cliärref | Comments Off on Réckbléck op eng weider flott Editioun vum Landjugendddag

Eis Nationalpresidentin Nelly Meyers invitéiert op 44. Landjugenddag

E puer Wuert vun eiser „Nach“-Nationalpresidentin Nelly Meyers am Virfeld vum dësjärege Landjugenddag, deen den 10. Mee 2018 vun der LLJ Cliärref zu Ischpelt organiséiert gëtt

Léif Frënn a Membere vun der Lëtzebuerger Landjugend,

1975 huet déi Clierfer Landjugend den 1. Landjugenddag organiséiert – deemols scho mam Zil, fir déi Jonk während engem Dag am ländleche Raum zesummenzeféieren an hinnen d‘Méiglechkeet ze ginn, fir d‘Dierfer am Land kennenzeléieren.

D’Organisatioun vun engem Landjugenddag, wou ëmmerhin honnerte jonk Leit beienee kommen, ass ëmmer mat vill Aarbecht verbonnen a verlaangt een enormen Asaz vun deem zoustännege regionale Landjugendgrupp.

De Membere vum regionale Landjugendgrupp Cliärref – mat hirem President, dem Fränz Schlechter – soen ech elo schonn e grousse Merci fir d’Organisatioun vun dësem Dag. Iech mäi Respekt fir Äert Engagement am Intressi vun der Lëtzebuerger Landjugend! Dir iwwerhuelt Responsabilitéit, wéi et och all eis aner regional LLJ-Gruppen an Aarbechtsgruppe maachen, fir déi weider grouss Aktivitéiten ëmzesetzen, déi regelméisseg bei der LLJ ustinn. Weider liesen

FacebookTwitter
LLJ | Comments Off on Eis Nationalpresidentin Nelly Meyers invitéiert op 44. Landjugenddag

Landjugenddag 2018

D’Lëtzebuerger Landjugend Cliärref a.s.b.l. invitéiert ganz häerzlech op de

 

 44. Landjugenddag

 

en Donneschdig, den 10. Mee 2018
zu Ischpelt (Urspelt)

 

Thema:

Zu Ischpelt ronderëm d’Schlass, do ma mer méi lass!

 

 

 

Programm

10:00 Auer: Jugendmass am Schlass zu Ischpelt
11:00 Auer: Éierewäin, offréiert von der Gemeng Cliärref
12:00 Auer: Mëttegiessen om Betrib Erny Kremer a Startschoss vom Rallye pédestre
15:00 Auer: Concert, Kaffisstuff, Kanneranimatioun a villes méi
20:30 Auer: Dekanatsspill
22:00 Auer: Präisverdeelung a Bal mat gratis Entrée

 

FacebookTwitter
LLJ, LLJ Cliärref | Comments Off on Landjugenddag 2018

44. Landjugenddag zu Ischpelt

Zu Ischpelt ronderëm d’Schlass, do ma mer eng lass

 

D’Landjugend Cliärref invitéiert op eng weider spannend Editioun vum Landjugenddag

Dëst Joer huet d’Landjugend Cliärref déi grouss Éier, Eech den 10. Mee op de 44. Landjugenddag anzelueden. Nodeems mer eent vun de wichtegsten Eventer van der Landjugend fir d’lest am Joer 2011 zu Wäiswampich organiséiert haten, invitéiere mer dëst Joer op Ischpelt (Urspelt). Ischpelt läit an der Gemeng Cliärref tëscht den Dierfer Hëpperdang, Granzen a Reiler an ass virun allem duerch sengt nei renovéiert Schlass bekannt.

An deem genannte Schlass gëtt och d’Mass gefeiert. Dono invitéiere mer op därselwechter Plaz op den Éierewäin, dee vun der Gemeng Cliärref offréiert gëtt. Dorop freeë mer äis besonnich a së frou, datt mer déi flott Plaz zur Verfügung gestallt kréien. Passend zu dësem Monument steet de Slogan vum Landjugenddag: „Zu Ischpelt ronderëm d’Schlass, do ma mer eng lass“. Den Haaptsite mat enger Hal, wou sech um Uschloss un den Éierewäin alles ronderëm de Landjugenddag dréint, kréie mer von engem Éieremember zur Verfügung gestallt. Heimat profitéiert de ganze Landjugendgrupp, fir engersäits de Gemengeverantwortleche, fir hiert Entgéintkommen, an anerersäits der Famill Kremer, fir d’Zerverfügungstellung vun der Hal, eise ganz grousse Merci auszeschwätzen. Weider liesen

FacebookTwitter
LLJ, LLJ Cliärref | Comments Off on 44. Landjugenddag zu Ischpelt