Romain Richer

Nationalaumônier vun der Lëtzebuerger Landjugend – Jongbaueren a Jongwënzer a.s.b.l. zënter November 2011

En häerzleche Bonjour!

Mäi Numm ass Romain Richer, gebuer de 4. November 1983 zu Esch-Uelzecht. Meng Kandheet hunn ech zu Nidderkäerjeng verbruecht. No menger Lycéeszäit sinn ech an de Seminaire agetruede fir mech op d’Priisteramt virzebereeden. No mengem Studium zu Tréier, Paräis a Lëtzebuerg sinn ech de 4. Juni 2011 zum Diakon geweit ginn. No dem Diakonatsstage am Porverband Beetebuerg – Hënchereng sinn ech de 17. September 2011 an der Kathedral zum Priister geweit ginn. Säit dem 21. September sinn ech als Kaploun am Porverband Miersch aktiv.

Virun e puer Wochen huet mech den Här Äerzbëschof gefrot, ob ech Aumônier vun der „Lëtzebuerger Landjugend – Jongbaueren a Jongwënzer“ wéilt ginn. Mat grousser Freed hunn ech dës Aufgab ugeholl!

Ech wäert mech an de kommende Woche gutt virbereeden a wäert versichen déi verschidde regional Gruppen an Iech all, léif Frënn, kennenzeléieren. Ons all wënschen ech e gutt Zesummeschaffen!

Ech si gäeren Ären Aumônier an ech versichen esou gutt, wéi méiglech, fir Iech do ze sinn. Ech freeë mech e gemeinsame Wee mat Iech all goen ze kënnen!

Abbé Romain Richer

 

FacebookTwitter

Comments are closed.