D’Lëtzebuerger Landjugend Maacher huet den 10. Mäerz op hir Generalversammlung 2012 an de Café du Commerce op Rouspert agelueden. Bei dëser Geleeënheet huet de Komitee dem Franz Glodt, Permanent LLJ – JB & JW, e Scheck am Wäert vun 1.000 € fir d’Kooperatiounsaarbecht an Afrika vun der ONG ‘Lëtzebuerger Jongbaueren a Jongwënzer – Service Coopération’ iwwerreecht. Dës Zomm fléisst an d’Aarbecht, déi d’ONG am ländleche Milieu am Congo, Burkina Faso a Kamerun leescht.