D’LLJ.News Nr.2 / 2017 kréien eis Abonnenten a Memberen ëm den 20. Juni 2017 mat der Post zougestallt.

Och an dëser Zeitung gi mir op déi wichteg Evenementer aus deene leschte Wochen am Liewe vun eisen Associatiounen an: de Bauerenhaff an der Stad, den 1. an 2. Abrëll 2017, den 43. Landjugenddag, organiséiert vun der LLJ Dikrich, e Bléck op d’Aktivitéiten vun de regionalen LLJ-Gruppen Furen an Zenter an Interessantes iwwer d’Kooperatiounsaarbecht an Afrika vun eiser ONG-D.

Wichteg: Bedéngt duerch d’Reorganisatioun innerhalb vun eisen Associatiounen, kann et sinn, datt eenzel Memberen aus de Gruppen nach net am Fichier erfaasst gi sinn oder, datt et zu Doublüre beim Verschécken vun eiser neier Verbandszeitung kënnt. Zéckt deemno net, fir äis Bescheed ze soen, wann dir d’Zeitung net kritt huet oder wann dir méi Zeitungen, wéi virgesinn, an ärer Bréifkëscht virfannt.

All aner Interessenten kréien d’Zeitung och gären nogeschéckt. Kontaktéiert äis iwwer Tel. 44743 – 252 oder secretariat@jongbaueren.lu.