Kategorie-Archiv: LLJ

Mir weisen drop hin, datt de Poste vum “Chargé vum Service d’information pour jeunes” vun der “Lëtzebuerger Landjugend a Jongbaueren a.s.b.l.” (LLJ) am Moment net besat ass (voir: offre d’emploi)

An dréngende Fäll kënnt Dir d’Sekretärin oder d’Presidente vun der LLJ per Email kontaktéieren:

Angèle MERSCH: angelemersch@gmail.com
Luc EMERING:     emeringl@hotmail.com

D’Sekretärin vun der LLJ ass fir Iech do:

Tel.: +352 44743-252 / chantal.heuschling@jongbaueren.lu

Am Kader vun der Foire Agricole 2021 bitt d’Lëtzebuerger Landjugend a Jongbaueren a.s.b.l. (LLJ) Iech dëst Joer Lët’z Grill-Tute mat regionale Produite fir op de Grill fir 2 oder 6 Persounen

• Lët’z Grill-Tut fir 2 Persounen zum Präis vu 65€
• Lët’z Grill-Tut fir 6 Persounen zum Präis vun 105€

Maacht Iech bäi a reservéiert bis de 4. Juli 2021 Är Grilltut fir den 10. Juli ënner info@jongbaueren.lu oder iwwer Telefon 44743-252.

Dir kënnt Är Commande e Samschdeg, den 10. Juli vun 10:00 bis 17:00 Auer op engem vun eise 7 Take Away-Plaze ofhuelen:

• Clierf: Hal Polyvalent (22, route d’Eselborn L-9706 Clervaux)
• Ettelbréck: Däichhal (3, rue du Deich L-9012 Ettelbruck)
• Jonglënster: Centre Polyvalent Gaston Stein (1, rue Emile Nilles L-6131 Junglinster)
• Lëtzebuerg: Place Hamilius (bis 14:00 Auer)
• Rammerech: Centre Culturel Rambrouch (8, rue du Nord L-8806 Rambrouch)
• Schumann’s Eck: um Parking
• Sprénkeng: Dudel-Magie S.à.r.l. (Rue de la croix L-4998 Sprinkange)

Déi nei Editioun vum LLJ.News (Nr.2/2021) an digitaler Form kréien eis Abonnenten, Memberen aus de Comitéë vun de regionalen LLJ-Gruppen an den Aarbechtsgruppen, Enn Juni 2021 per Mail zougestallt.

Wéi gewinnt gi mir an dëser Zeitung op d‘Aktivitéiten/Evenementer an, déi an deene leschte Wochen innerhalb vun der Associatioun organiséiert gi sinn, resp. déi demnächst ustinn:

• d’Oplëschtung vun deenen, déi d’Responsabitéit fir den Exercice 2021 – 2022 an der Lëtzebuerger Landjugend a Jongbaueren, de Landjugendgruppen, den Aarbechtsgruppen an der ONG iwwerholl hunn
• en Artikel vum regionalen LLJ-Grupp Furen, iwwer hir aktuell Aktivitéiten
• en Artikel zu der Petitioun 1843 vun der LLJ am Sënn vum Déierewuel

Dësweidere werfe mir e Bléck op:

• d’Aktioun „Fro de Bauer“ (vum Lisa Jacqué, Responsabel fir d‘Sensibilisatioun)
• rezent Informatioune vun eiser Chargée de Projets Jacqueline Monville iwwer en neie Kooperatiounsprojet am Burkina Faso
• déi generéis Ënnerstëtzungen, déi et der ONG erlaben, fir d’Aarbecht am Interessi vun der lokaler ländlecher Bevëlkerung weiderzeféieren

Wann Dir eis Verbandszeitung nach net zougestallt kritt an drun interesséiert sidd, kënnt Dir äis gäre kontaktéieren: per Tel. 44743 – 252 oder per E-Mail info@jongbaueren.lu

Haut am Luxemburger Wort. Eis Petitioun Nr. 1843 am Sënn vum Déierewuel huet 4982 Ënnerschrëfte kritt a wäert soumat an der Chamber debattéiert ginn.

Nach eng Kéier e grousse Merci u jiddwereen, deen eis Petitioun ënnerschriwwen huet.

Den 1. Juni ass de Youth World Milk Day 🥛🐄
An dësem Video gi mir Iech e klengen Abléck an den Alldag vun engem Mëllechbetrib

De Luc Emering, President vun der Lëtzebuerger Landjugend a Jongbaueren, war en Dënschdeg (25. Mee 2021) Invité vun der Redaktioun op RTL géint 10 op 8. Lauschtert hei d’Emissioun nach eng Kéier no.

E grousse Merci un Nordliicht fir de flotte Reportage iwwer d’Pressekonferenz zu der Petitioun 1843. (fir de Reportage op d’Bild klicken)

Ënnerschreift och Dir d’Petitioun 1843 am Sënn vum Déierewuel.

Merci 🙂

D’Petitioun 1843 huet déi néideg Stëmmen erreecht fir an engem ëffentlechen Debat an der Chamber presentéiert ze ginn. E grousse Merci u Jiddereen, deen eis Petitioun ënnerschriwwen huet.

Fir all déi, déi nach net ënnerschriwwen hunn, besteet nach ëmmer d’Méiglechkeet d’Petitioun 1843 am Sënn vum Déierewuel ze ënnerschreiwen