Déi éischt Editioun vum LLJ.News an digitaler Form kréien eis Abonnenten, Memberen aus de Comitéë vun de regionalen LLJ-Gruppen an den Aarbechtsgruppen haut per Mail zougestallt.

Wéi gewinnt gi mir an dëser Zeitung op d‘Aktivitéiten/Evenementer an, déi an deene leschte Wochen innerhalb vun der Associatioun organiséiert gi sinn, respektiv déi deemnächst ustinn:

• Zweeten Deel vum Réckbléck op de Jongbauerendag 2020
• Virstellung vum neien LLJ-President Luc Emering
• en Artikel vun der LLJ Maacher mat flotte Fotoe vum Christmas Tour
• eng kleng Virstellung vum Annick Putz, Responsabel fir de Beräich „solidaresch Landwirtschaft“ vun der ekologescher Landwirtschaftsberodung

Dësweidere werfe mir e Bléck op:

• rezent Informatioune vun eiser Chargée de Projets Jacqueline Monville iwwer den aktuelle Kooperatiounsprojet am Burkina Faso
• déi generéis Ënnerstëtzungen, déi et der ONG erlaben, fir d’Aarbecht am Interessi vun der lokaler ländlecher Bevëlkerung weiderzeféieren

Wann Dir eis Verbandszeitung nach net zougestallt kritt an drun interesséiert sidd, kënnt Dir äis gäre kontaktéieren: per Tel.: 44743 – 252 oder per E-Mail: info@jongbaueren.lu