E Freideg, den 28. Juni 2013, huet den Här Äerzbëschof Jean-Claude Hollerich d’Lëtzebuerger Landjugend an d’Lëtzebuerger Jongbaueren a Jongwënzer op e Grillowend an d’Bëschofshaus agelueden. D’Vertrieder vun deene béid Verbänn hunn dem Här Äerzbëschof mat enger Ahorn hire Merci fir déi sympathesch Invitatioun ausgedréckt. De Bam ass nach um Owend selwer am Areal vum Bëschofshaus geplanzt ginn.