Zesumme mam Organisateur vun der Foire Agricole (FAE) hunn d’LJB&JW d’Schoulklasse vum Enseignement fondamental e Freideg, den 1. Juli 2011 op Ettelbréck agelueden. D’Kanner hunn iwwer dëse Wee d’Geleeënheet kritt, fir d’Landwirtschaft, de ländleche Raum an d’Natur mat all hiren Diversitéiten ze erliewen. Den Accueil vun de Schoulklasse gouf vun de Membere vun der Lëtzebuerger Landjugend – Jongbaueren a Jongwënzer assuréiert.