E Sonndeg, den 22. November 2020 huet d’Lëtzebuerger Landjugend a Jongbaueren a.s.b.l. (LLJ) op hiren traditionelle Jongbauerendag invitéiert. Opgrond vun der Covid-19-Pandemie war dëst awer eng besonnesch Editioun, well d’Memberen a Sympathisante net wéi gewinnt am Festsall vun der Akerbauschoul konnten empfaange ginn. Si konnten déi dësjäreg Editioun iwwer eng Live-Iwwerdroung verfollegen.
Den oftriedenden Nationalpresident Marc Roeder huet d’Memberen a d’Sympathisanten häerzlech zu dëser besonnescher Editioun vum Jongbauerendag begréisst, éier hien d’Wuert u säin Nofollger Luc Emering weiderginn huet.
Den Här Äerzbëschof, S. Em., Jean-Claude Kard. Hollerich huet séngersäits alleguerten d’Nolauschterer begréisst an e klenge Message u si geriicht.
Den Europa-Deputéierte Christophe Hansen ass a sengem Referat ënner anerem op de Green Deal an d’Farm-2-Fork-Strategie agaangen.
De Ben Schmitgen a Pol Wagener, Membere vum Aarbechtsgrupp “Agrarpolitik”, hunn déi agrarpolitesch Stellungnam virgedroen, op déi de Landwirtschaftsminister Romain Schneider zum Schluss vum Owend reagéiert huet.
- Programm vum Owend
- Pressetext
- Referent: Christophe Hansen, Europa-Deputéierten
- Intro zum Thema vum Owend
- Usprooch vum neien LLJ-Nationalpresident Luc Emering
- Agrarpolitesch Stellungnam
- Rediffusioun vun der Live-Iwwerdroung
- Artikel vum Här John Lamberty aus dem “Luxemburger Wort” vum 28/11/2020
- Artikel aus der “ALLIANZ-Info” vum 03/12/2020 (Nr. 12/2020)
- Foto-Galerie
- Interview mam neien LLJ-Nationapresident Luc Emering
