Kategorie-Archiv: LLJ

Foire Agricole fir Kanner a Jugendlecher (bis 15 Joer), e Freideg, den 1. Juli 2022

Wéi an deene vergaangene Jore bitt den Organisateur vun der Foire Agricole – an Zesummenaarbecht mat verschiddenen Aussteller:

• de Schoulkanner vum Enseignement fondamental
• de Schüler vun der 7e bis 5e vum Enseignement secondaire

e Freideg, den 1. Juli 2022 (vun 09:00 – 15:00 Auer) eng Rei Atelieren un, fir hinnen d’Landwirtschaft, de ländleche Raum an d’Natur mat all hiren Diversitéite méi nozebréngen.  

2022 Workshops für Schulklassen

WICHTEG: D’Reservatioune vun den Ateliere kënne vum 07. Juni (um 09:00 Auer) bis de 24. Juni 2022 (um 16:00 Auer) vum verantwortleche Léierpersonal online virgeholl ginn. Am Virfeld vun de Reservatiounen muss e Login ugefrot ginn: https://workshop.foireagricole.lu/ 

Aus organisatoresche Grënn kënne keng Aschreiwungen iwwer Telefon gemaach ginn. Mir bieden ëm deen neidege Versteesdemech.

• ‘2022 Workshops für Schulklassen‘ (PDF)

Iwwer de Weekend vum 2. bis 3. Abrëll 2022 kréien déi Stater Leit d’Geleeënheet, fir sech e konkret Bild iwwer d’Aarbecht op de Bauerebetriber ze maachen.

An Zesummenaarbecht mat der Stad Lëtzebuerg gëtt op der Place de la Constitution – bei der Gëlle Fra – fir déi zwee Deeg e Bauerenhaff vun der “Lëtzebuerger Landjugend a Jongbaueren” (LLJ) opgeriicht, fir den Interesséierten déi vill Facettën vum Bauerewiese méi nozebréngen.

Flyer 2022

Dossier de Presse 2022

Broschüre2022

De Krich an der Ukrain ass eng Tragedie, wéi d’Welt se säit ville Joren net méi kannt huet, Millioune Leit verléieren hiert Doheem, hier Zukunft a leider, vill vun hinnen och hiert Liewen. A wéi sou oft, sinn et déi vulnerabelst Populatiounen op der Welt, déi als éischt d’Konsequenze vu Katastrophen ze spiere kréien, esou och d’ländlech Bevëlkerung am Burkina Faso.

De Burkina Faso ass eent vun den am mannsten entwéckeltsten Länner op der Welt, an deem e groussen Deel vun der Populatioun vun der Subsistenzwirtschaft lieft. Dofir ass d’Zil vun der Kooperatiounsaarbecht vun der ONG d’Ausläschung vun der Aarmut an d’Verbesseren vun der Ernierungssécherheet.

Fir d’ganz Joer iwwer 3 mol den Dag iessen ze kënnen, ass haut nach net fir jiddereen eng Selbstverständlechkeet am Burkina Faso. Duerch de Projet 2018-2021 zesumme mat der FEPAB, konnt d’ONG d’Ernierungssécherheet fir 80000 Mënschen an der Zilpopulatioun verbesseren, mee trotzdeem bleift dat e ganz fragillen Equiliber dee vu klimateschen, geographeschen a politesche Facteuren ofhänkt.

Weider liesen →

Bauerenhaff an der Stad

Um Programm während dem 2. an 3. Abrëll 2022:

• Ausstellung vun Déieren (Mëllechkéi, Mammekéi, Schwäin, Schof, Geessen, Kanéngercher)

• Informatiounsstänn ronderëm d’Landwirtschaft (Mëllech, Fleesch, Geméis, Uebst , Wäin)

• Show-cooking: Lëtzebuerger Menüen, gekacht vu Politiker

• Fir di Kleng: Ateliere ronderëm d’Landwirtschaft, Sprangschlass & Pedalo-Trakteren

• Maart mat regionale Lëtzebuerger Produkter (Fleesch, Kéis, Geméis, Drëppen, etc.)

Samschdes, den 2. Abrëll 2022

11:00 Auer: Offiziell Ouverture vum Bauerenhaff an der Stad
14:00 bis 17:00 Auer: Show-cooking am groussen Zelt
15:00 Auer: Sträiche vun de Mëllechkéi
15:30 Auer: Concert

Sonndes, den 3. Abrëll 2022

10:30 Auer:  Feierlech Mass fir d’Lëtzebuerger Landwirtschaft an der Kathedral
11:30 bis 17:00 Auer : Show-cooking am groussen Zelt
12:30 Auer: Table ronde
15:00 Auer: Sträiche vun de Mëllechkéi
15 :30 Auer : Concert

Menü : Gulaschzopp vum Lëtzebuerger Limousin a vill weider Lëtzebuerger Produkter