Programm 2022

12. Mäerz 2022

Bauerenhaff an der Stad

Um Programm während dem 2. an 3. Abrëll 2022:

 

  • Ausstellung vun Déieren (Mëllechkéi, Mammekéi, Schwäin, Schof, Geessen, Kanéngercher)

 

  • Informatiounsstänn ronderëm d’Landwirtschaft (Mëllech, Fleesch, Geméis, Uebst , Wäin)

 

  • Show-cooking: Lëtzebuerger Menüen, gekacht vu Politiker

 

  • Fir di Kleng: Ateliere ronderëm d’Landwirtschaft, Sprangschlass & Pedalo-Trakteren

 

  • Maart mat regionale Lëtzebuerger Produkter (Fleesch, Kéis, Geméis, Drëppen, etc.)

 

Samschdes, den 2. Abrëll 2022

11:00 Auer: Offiziell Ouverture vum Bauerenhaff an der Stad
14:00 bis 17:00 Auer: Show-cooking am groussen Zelt
15:00 Auer: Sträiche vun de Mëllechkéi
15:30 Auer: Concert

Sonndes, den 3. Abrëll 2022

10:30 Auer:  Feierlech Mass fir d’Lëtzebuerger Landwirtschaft an der Kathedral
11:30 bis 17:00 Auer : Show-cooking am groussen Zelt
12:30 Auer: Table ronde
15:00 Auer: Sträiche vun de Mëllechkéi
15 :30 Auer : Concert

 

Menü : Gulaschzopp vum Lëtzebuerger Limousin a vill weider Lëtzebuerger Produkter

 

LLJ | Comments Off on Programm 2022

3. Bauerenhaff an der Stad

7. Mäerz 2022

No engem Joer Paus, wou et eis net méiglech e flotte Bauerenhaff an der Stad z’organiséieren, starte mir dëst Joer nees duerch a sti mat béide Féiss schonn an de Startlächer mat de Preparatioune fir déi 3t Oplag vum Bauerenhaff an der Stad.

A sëllege Versammlungen hu mir eis Käpp schonn zesumme gestreckt an iwwerleeë wéi mir, och ënnert dem Covid-19-Virus an den domat verbonnene Mesuren, fir Iech e flotte Bauerenhaff an der Stad kënne plangen an organiséieren.

Mir scheie keng Méi a Käschten, dofir géinge mir eis ëm sou méi freeën Iech um Weekend vum 2. an 3. Abrëll 2022 op der „Place de la Constitution bei der gëlle Fra“ an der Stad kënnen ze begréissen.

Natierlech gëtt fir Grouss a Kleng vill gebueden. Sou si vill Aussteller op der Plaz selwer wou Dir mat de Produzenten a Kontakt triede kënnt, dat eent oder anert kafen a schmaache kënnt. Och un eng flott Kanneranimatioun hu mir geduecht a fir de gudde Maufel an d’Gedrénks ass natierlech gutt gesuergt ginn a vergiesse mir nëmmen net de Show-Cooking, wou dir eis Prominenz an Aktioun erliewe wäert.

Dofir verpasst dëse flotte Rendezvous um Weekend vum 2. – 3. Abrëll 2022 net.

Mir freeën eis nees mat Iech e flotte Weekend an der Stad um Parking vun der gëlle Fra kënnen ze verbréngen.

LLJ | Comments Off on 3. Bauerenhaff an der Stad

Wien hätt dat 2020 geduecht, dass mir 2 Joer laang op de Landjugenddag misste verzichten. Mee 2022 ass et endlech nees souwäit!

No der Editioun déi 2020 leider huet missen ofgesot ginn, start d’Landjugend Uewersauer nees duerch an huet sech gären nees bereet erkläert de Landjugenddag ze organiséieren.

An deene leschte Méint hu si oft hir Käpp zesummegestreckt fir de 46. Landjugenddag zu Harel ze organiséieren. Den 1. Landjugenddag ass 1975 vun der Landjugend Cliärref organiséiert ginn an ass zënterhier e feste Rendezvous am Kalenner vun der LLJ.

Et gëtt op all Landjugenddag ëmmer eng jett sportlech Aktivitéite wou een sech mat senger Ekipp enger flotter Erausfuerderung stelle kann. Wien allerdéngs net sou sportlech ënnerwee ass, ka gären den Tour als Trëppeltour matgoen an sou seng Ekipp ënnerstëtzen.

Wéi all Kéiers ass och dës Kéier beschtens fir Iessen a Gedrénks gesuergt. Also notéiert Iech den Datum vum 26. Mee 2022, getrei dem Motto :„Hopp Hopp! Alles op Harel erop iwwer Bierg an Dall, teste mir Iech all!“.

Landjugenddag_2022

7. Mäerz 2022 | Comments Off on 46. Landjugenddag zu Harel

Nouvelles de nos projets au Burkina Faso

14. Februar 2022

Comme vous l’avez sans doute lu et entendu, un coup d’état a eu lieu au Burkina Faso le 24 janvier 2022. Après quelques jours de négociations, les militaires au pouvoir ont cependant rétabli la constitution et se sont engagés à un retour rapide à une vie politique normale dans le pays. Ce putsch est le résultat d’une situation sécuritaire qui s’est progressivement dégradée depuis 2016, avec des attaques terroristes répétées aux frontières Nord (Mali) et Est (Niger) du territoire burkinabè ayant entrainé des déplacements massifs de population (près de 1,5 million de déplacés internes) et une situation alimentaire précaire dans toutes les zones touchées. A l’insécurité s’ajoutent les effets néfastes du dérèglement climatique avec des catastrophes naturelles (inondations, sécheresses) de plus en plus fréquentes et une installation toujours plus tardive des pluies qui impacte la productivité agricole et entraine une dégradation des terres. Malgré ce contexte difficile, notre travail aux côtés des populations rurales et partenaires locaux se poursuit afin de joindre tous les efforts pour assurer la durabilité de nos programmes de développement. Weider liesen →

LLJ – Service Coopération | Comments Off on Nouvelles de nos projets au Burkina Faso

Jongbauerendag 2021

15. Dezember 2021

E Sonndeg,den 28. November 2021 huet d’Lëtzebuerger Landjugend a Jongbaueren a.s.b.l. (LLJ) op hiren traditionelle Jongbauerendag invitéiert. Och wa mir nach wäit ewech vun « Normalitéit » sinn, konnt dëse wichtege Rendezvous dëst Joer nees a Presenz vun den Éieregäscht an de Memberen ofgehale ginn.

Nei dëst Joer war de Standuert, wuel nach  ëmmer an der Akerbauschoul awer net méi Ettelbréck mee um neie Site zu Gilsdref.

An der grousser Aula gouf hei fir eng éischte Kéier de wuel wichtegsten Owend vun der LLJ a.s.b.l. präsentéiert,  deen och live op de Soziale Medien iwwerdroe ginn ass, fir déi Leit déi de Wee an de Lycée Technique Agricole net konnten op sech huelen.

De Mgr Leo Wagner, Weibëschof vu Lëtzebuerg, huet séngersäits alleguerten d’Nolauschterer begréisst an säi Grousswuert u d’Leit geriicht.

De Prof. Dr. Thore Toews huet e Referat zum Thema: „Kommende Energiekrise und die daraus resultierenden wirtschaftlichen Folgen für die Landwirtschaft“ vill interessant Themen ugeschwat an opgegraff.

Zum Schluss hunn de Ben Schmitgen an de Charel Welbes, Membere vum Aarbechtsgrupp „Agrarpolitik“, déi agrarpolitesch Stellungnam virgrdroen, wou de Landwirtschaftsminister Romain Schneider am Dialog mat hinnen, reagéiert huet.

LLJ | Comments Off on Jongbauerendag 2021

Schoulbicher & pedagogescht Material fir Zambélé

6. Dezember 2021

Leescht och Dir Äre Bäitrag, fir déi ronn 700 Schüler/innen aus dem Schoulkomplex
vu Zambélé am Burkina Faso mat weidere Schoulbicher a pedagogeschem Material am Gesamtwäert vu 7.833,00 € ze versuergen.

Am Numm vun de Schüler/innen, hiren Elteren, dem Léierpersonal an deene Verantwortleche vu Zambélé, soe mir Iech elo schonn e grousse MERCI fir Är generéis Ënnerstëtzung.

 

 

LLJ – Service Coopération | Comments Off on Schoulbicher & pedagogescht Material fir Zambélé