Déi Verantwortlech vun der Lëtzebuerger Landjugend an de Lëtzebuerger Jongbaueren a Jongwënzer invitéieren all d’Memberen, déi aktiv um Stand vun eise Verbänn op der Foire Agricole 2011 zu Ettelbréck gehollef hunn, op e Brunch an de Shopping-Center Massen op d’Wämperhaart, e Sonndeg, den 12. Februar 2012 (vun 10:00 un).

Iwwer dëse Wee drécken si hire konkrete MERCI aus, fir déi vill Aarbecht déi den Aarbechtsgrupp FAE an d’Memberen aus de regionale Gruppen am Virfeld a während deenen dräi Deeg vun der FAE am Intressi vun den Organisatioune geleescht hunn.

Fir ze assuréieren, datt jidderee gutt op d’Wämperhaart an nees heem kënnt, ginn 2  – 3 Bussen agesat. D’Auerzäiten an d’Plazen, wou d’Bussen halen, ginn am Virfeld vum Dag matgedeelt.

D’Umeldunge gi bis den 20. Dezember 2011 bei deenen respektive Gruppesekretären entgéint geholl.