Kuckt Iech hei d’Fotoe vum ganze Weekend un!
Bedéngt duerch déi aktuell Bestëmmungen am Zesummenhang mam COVID-19, ass de 46. Landjugenddag (21. Mee 2020) vum Organisator annuléiert ginn.
Déi Verantwortlech vun der Landjugend Uewersauer wëssen nach net wéini dëst beléift an traditionellt Treffe vun der Jugend aus dem ländleche Raum nogeholl ka ginn – sinn sech awer sécher, datt dat zu engem spéideren Zäitpunkt de Fall wäert sinn.
Dir gitt zum gegebenen Zäitpunkt op eiser Facebook-Säit an hei op eiser Homepage um Lafende gehalen!
Bleift bis dohi gesond a monter 😉
An de leschte Méint hu sech déi Jonk vum Landjugendgrupp Uewersauer mat vill Motivatioun zesummegedoen, fir de Landjugenddag 2020 op d‘Been ze stellen. Mat engem neien a relativ jonke Comité hu si no engem erfollegräiche Summer Opening-Bal 2019 den Optrag kritt, de 46. Landjugenddag ze organiséieren. Si hunn zanterhier méintelaang op benevoller Basis dru geschafft, fir datt och dës Editioun mam Rallye e grousse Succès gëtt. D´LLJ Uewersauer invitéiert Iech deemno op Harel fir dëse 46. Landjugenddag.
Den 1. Landjugenddag ass 1975 vun der Landjugend Cliärref organiséiert ginn an ass zanterhier e feste Rendez-vous am Kalenner vun der LLJ. Déijéineg, déi vun dëser Geleeënheet profitéieren, kënne vill schéi Plazen hei am Land entdecken a sech mat der Ekipp den Erausfuerderunge vum Rallye stellen. Fir déijéineg, déi sech net sportlech engagéieren wëllen, bitt sech awer och d’Méiglechkeet d’Ekippe bei engem Trëppeltour iwwert de Parcours ze ënnerstëtzen.
Fir Iessen a Gedrénks an awer och fir Animatioun fir Grouss a Kleng ass beschtens gesuergt. Et lount sech deemno, den 21. Mee 2020 op Harel ze kommen. Jidderee ka vun dësem Dag profitéieren fir mat Famill a Frënn e puer gemittlech Stonnen ze verbréngen.
Angèle Mersch
Presidentin
Lëtzebuerger Landjugend a Jongbaueren a.s.b.l.
Programm vum 46. Landjugenddag
D’Landjugend Uewersauer invitéiert ganz häerzlech op hiert
Kniddelsiessen
e Sonndeg, den 28. Oktober 2018
am Sall zu Bauschelt.
Umeldung bis den 18. Oktober 2018: Tel. 691 264 238 oder jenny98@pt.lu
Galerie mat 17 Fotoen.
Am Kader vun hirem 30. Anniversaire huet de Comité vun der Landjugend Uewersauer seng Memberen, Ancienen a Frënn, e Sonndeg, den 22. November 2015 op den 2. Konveniat op Bauschelt agelueden. Fotoen: Romain Richer
Galerie mat 95 Fotoen.
E Sonndeg, de 27. Abrëll 2014, huet d’Landjugend Uewersauer um landwirtschaftleche Betrib vum Nico Eschette e Béierkëschtestapel-Concours fir all d’Landjugendgruppen aus dem Land organiséiert. Bei Spill a Spaass gouf esou d’Geleeënheet gebueden, fir e puer flott Stonnen ënner Frënn ze … Weider liesen
D’Landjugend Uewersauer invitéiert all d’Landjugendgruppen op hire Béierkëschte-Stapel-Concours, e Sonndeg, de 27. Abrëll 2014 zu Näertrech an der Hal vun Nico Eschette.
Um 11:00 Auer: Apéro mat uschléissendem Mëttegiessen.
Umeldung bis den 19. Abrëll 2014 bei der Gruppesekretärin um Tel. 691 867 221.
Galerie mat 27 Fotoen.
Lëtzebuerger Landjugend Uewersauer huet e Sonndeg, de 15. September 2013 op de 7. Autoball op Noutem invitéiert.
Galerie mat 143 Fotoen.
Op Christi-Himmelfahrt, den 9. Mee 2013, huet d’Landjugend Uewersauer op Näertrech op den 39. Landjugenddag invitéiert. Vill Frënn a Membere vun der Lëtzebuerger Landjugend waren um Rendez-vous an hunn dozou bäigedroen, datt och déi 39. Editioun vum beléiften Treff e volle Succès … Weider liesen
Galerie mat 7 Fotoen.
E Samschdeg, de 5. Januar 2012 huet d’Lëtzebuerger Landjugend – Jongbaueren a Jongwënzer Uewersauer a.s.b.l. op hir dësjäreg Generalversammlung op Bärel agelueden. Um Uschloss un d’AG huet de Komitee dem Abbé Romain Richer, Nationalaumônier a President vun der ONG, e … Weider liesen
