Landjugend a Jongbaueren

Eis Membere fannen hei den Tableau mat den Terminer vun de Generalversammlungen 2018 vun de regionale LLJ- an Aarbechtsgruppen, der nationaler Associatioun “Lëtzebuerger Landjugend a Jongbaueren”, resp. der ONG-D, deen aktualiséiert gëtt, esoubal déi eenzel Datumer festgeluecht sinn:

D’Generalversammlungen (AG) ginn am Prinzip um 20:00 Auer ofgehalen. Déi eenzel Associatiounen deelen déi genau Auerzäit awer an deenen offiziellen Invitatioune mat, déi am Virfeld vun deene respektiven AG-en un hir Membere verschéckt ginn.

Landjugendkalenner 2018 zum Thema “Aarbechten an der Landwirtschaft”

De Landjugendkalenner 2018 mat Fotoen zum Thema “Aarbechten an der Landwirtschaft” ass geschwënn disponibel a kann iwwer dëse Formulaire bestallt ginn.

No der Bestellung/Iwwerweisung kritt Dir en an deene beschten Delaie mat der Post heemgeschéckt.

Präis: 15 €

Fotoen: Catia Biel, Nelly Meyers, Véronique Reiff

Déi nei Editioun vum LLJ.News (Nr.4/2017) kréien eis Abonnenten a Memberen ëm de 15. Dezember 2017 mat der Post zougestallt.

Wéi gewinnt gi mir nees an dëser Zeitung op déi wichteg Aktivitéiten an Evenementer an, déi an deene leschte Wochen innerhalb vun der Associatioun organiséiert gi sinn: d’Ausschaffe vum Landjugendkalenner 2018 (deen an der Tëschenzäit bestallt ka ginn), den Dag vun der Kooperatioun, den 1. Oktober 2017 zu Clierf, den Tour op Amsterdam vun iwwer 60 Membere vun der LLJ (21. – 22. Oktober 2017), deen traditionellen a gutt besichte Jongbauerendag zum Thema „Um Wee zur Agrarpolitik 2020“ (19. November 2017 zu Ettelbréck), …

Dësweidere werfe mir dës Kéier e Bléck op d’Schaffen an – wéi kann et anescht sinn – d‘Feieren an de regionalen LLJ-Gruppen „Cliärref“ a „Süden“.

Op de Säiten 18 a 19 vun dëser Ausgab komme mir dann an der Haaptsaach op dee vu laanger Hand  preparéierten „Burkina Dinner“ zréck, wou den 30. Oktober 2017 ronn 400 Leit derbäi waren, fir e puer flott Stonnen zesummen am Interessi vun der gudder Saach an der Däichhal zu Ettelbréck ze verbréngen.

Wann Dir un eiser Verbandszeitung interesséiert sidd, kënnt Dir äis kontaktéieren: per Tel. 44743 – 252  oder per E-Mail secretariat@jongbaueren.lu

Loftbiller vun der Aktioun, déi am Kader vum 75. Anniversaire vun de „Lëtzebuerger Jongbaueren a Jongwënzer“ an d’Guinnessbuch vun de Rekorden opgeholl ginn ass

Bei Geleeënheet vum 75. Anniversaire vun de „Lëtzebuerger Jongbaueren a Jongwënzer“ (2003) huet den Här Nic Weisen vu „Loftbiller Weisen“ déi spektakulär Aktioun vum regionalen LLJ-Grupp „Zenter“ am Bild festgehalen, wou sech deemools 75 Baueren zesummefonnt hunn, fir hir Méidrescher an der Géigend vu Groussbus esou opzestellen, datt d’Nummer 75 vum Grënnungsjubiläum vun der Associatioun aus lëfteger Héicht ze erkenne war.

D’Aktioun ass séngerzäit als neue Weltrekord an d’Guinnessbuch vun de Rekorden opgeholl ginn.

Den Här Weisen léisst matdeelen, datt nach Loftopnamen (20 x 30 cm) vun deemools disponibel sinn. Si kënnen an der Zentral vun der LLJ bestallt ginn: per E-Mail „secretariat@jongbaueren.lu“ oder per Tel.: 44743 – 252. Präis pro Foto: 10 €