Galerie mat 57 Fotoen.
E Sonndeg, den 23. November 2014 hunn d’Lëtzebuerger Jongbaueren a Jongwënzer op den traditionelle Jongbaueren- a Jongwënzerdag an de Lycée Technique Agricole op Ettelbréck invitéiert. Wann och manner politesch Vertrieder um Rendez-vous waren, sou hunn awer vill Vertrieder aus den … Weider liesen
Bis zu 1.500 Sympathisante (laut “Luxemburger Wort” vum 20. November 2014) sinn dem Opruff vun de Bauerevereenegungen – der Centrale Paysanne, dem Fräie Lëtzebuerger Bauereverband, dem Lëtzebuerger Privatbësch, dem Service Activités Féminines (SAF) vun der Centrale Paysanne an dem Service Jeunesse (Lëtzebuerger Bauerejugend) an de Lëtzebuerger Jongbaueren a Jongwënzer – nokomm, fir hir Onzefriddenheet mat der Politik auszedrécken an e kloren Appell un déi Zoustänneg vun der Regierung ze riichten, fir d’Akteuren an der Landwirtschaft, dem Wäibau an der Forstwirtschaft eescht ze huelen.
Fir d’Lëtzebuerger Jongbaueren a Jongwënzer war hire President, de Jeff Boonen, um Riednerpult an huet folgend Themen ugeschwat: Perspektive fir déi Jonk schafen / D‘Entwécklung vun de Betriber ënnerstëtzen / Eng zukunftsorientéiert a nohalteg Landwirtschaft promovéieren: Interventioun vum Jeff Boonen.
Artikel aus dem Wort vum 20/11/2014
Reaktiounen op TAGEBLATT.LU
Reaktiounen op LESSENTIEL.LU
Reaktiounen op RTL.LU
RTL-Reportage vum 19/11/2014 (vu 14:00 – 18:00 Minuten)
Artikel aus dem Lëtzebuerger Bauer vum 21/11/2014
D’Landjugend Furen an d’A.s.b.l. Damp an der Këscht invitéiere ganz häerzlech op hir Theater-Owender zu Branebuerg,
e Samschdeg, 22. November 2014 (20:00 Auer),
e Samschdeg, 29. November 2014 (20:00 Auer)
an e Sonndeg, 30. November 2014 (19:00 Auer)
Reservatioun um Tel. 83 40 20 oder per Mail: reservation@dampanderkëscht.lu
Den 2. November 2014 huet de Claude Petit vu Schwéidsbeng de Poste vum ekologesche Landwirtschaftsberoder vu senger laangjäreger Virgängerin, dem Katharina David, iwwerholl.
Domat ass déi ekologesch Berodung fir Betriber – déi hir Produktioun am Sënn vun enger ëmweltschounender an zukunftsfäheger Landwirtschaft gestalte wëllen – a vun de Lëtzebuerger Jongbaueren a Jongwënzer an Zesummenaarbecht mam OekoZenter Pafendall ugebuede gëtt, weiderhin assuréiert.
Eis Memberen an Interessenten kënnen sech an dësem Virstellungsschreiwen e Bild vum neie sympathesche Landwirtschaftsberoder maachen.
D’LJB & JW invitéiere ganz häerzlech op deen dësjärege Jongbaueren- a Jongwënzerdag
e Sonndeg, den 23. November 2014
am Festsall vum Lycée Technique Agricole zu Ettelbréck
Ufank: 20:00 Auer
Thema: Familienbetriebene Landwirtschaft – ein Auslauf- oder Zukunftsmodell?
Programm vum Owend
Kuerzvita vum Referent
Intro an d’Thema vum Owend
Zesumme mat der Centrale Paysanne, dem Fräie Lëtzebuerger Bauereverband, dem Lëtzebuerger Privatbësch, dem Service Activités Féminines (SAF) vun der Centrale Paysanne an dem Service Jeunesse – Lëtzebuerger Bauerejugend invitéieren d’Lëtzebuerger Jongbaueren a Jongwënzer den 19. November 2014 op e grousse Meeting vun der Landwirtschaft zu Ettelbréck an der Däichhal.
Aus Aktualitéitsgrënn wëllen dës Associatiounen um Meeting op d’Uleies vum landwirtschaftleche Secteur agoen an der Politik / der Ëffentlechkeet hir Siicht vun der zukünftiger Landwirtschaft zu Lëtzebuerg presentéieren.
Et ass wichtig, datt vill Leit aus dem landwirtschaftliche Secteur op dëser Versammlung vertrueden sinn, fir en Zeechen ze setzen. Déi genannten Associatiounen maachen dofir een Appell un all déi Concernéiert, fir deen Dag mat dobäi ze sinn: Flyer
Galerie mat 66 Fotoen.
Vum 8.- 16. September 2014 si 5 jonk Membere vun der Lëtzebuerger Landjugend – Jongbaueren a Jongwënzer a.s.b.l. – zesumme mam Abbé Romain Richer, President vun der ONG-D “Lëtzebuerger Jongbaueren a Jongwënzer – Service Coopération a.s.b.l”, fir 8 Deeg an … Weider liesen
Galerie mat 94 Fotoen.
E Sonndeg, den 9. November 2014 huet de regionale Landjugendgrupp “Zenter” zesumme mat der ONG-D “Lëtzebuerger Jongbaueren a Jongwënzer – Service Coopération a.s.b.l.” op deen traditionellen Dag vun der Kooperatioun agelueden. Vill Memberen a Sympathisanten vun de Verbänn vun der … Weider liesen
D’Lëtzebuerger Landjugend – Jongbaueren a Jongwënzer – a speziell de regionale Grupp “Süden” – traueren ëm hire verstuerwene Member Änder Guth, deen e Freideg, den 31. Oktober 2014 duerch en tragescht Akzident zesumme mat sengem Kolleg Bill aus eiser Mëtt gerappt ginn ass.
Der Famill vun dem Verstuerwenen drécken d’Nationalcomitéë vun de Verbänn vun der LLJ – JB & JW hiert déifstent Bäileed aus.
Vill Informatiounen zu der Verbandsaarbecht an den Aktivitéiten vun der Lëtzebuerger Landjugend – Jongbaueren a Jongwënzer fannt dir op de Säite 7 – 11 vum Lëtzebuerger Duerf. D’Lëtzebuerger Duerf publizéiere mir an Zesummenaarbecht mat der Kathoulescher Männeraktioun, déi fir d’Säiten 2 – 6 zoustänneg ass.
