Gewënner vun den Ticketen vun der Après-Ski Party, déi de 4. Mäerz 2017 vun der LLJ Maacher zu Hierber organiséiert gouf:
No 114
No 247
No 211
D’Gewënner kënnen sech um Tel. 661 954 316 mam Martine Schiltz, Sekretärin vun der LLJ Maacher, a Verbindung setzen.
Déi nei Editioun vum LLJ.News (Nr.1 /2017) kréien eis Abonnenten a Memberen ëm de 15. Mäerz 2017 mat der Post heemgeschéckt.
Och an dëser Zeitung gi mir op déi wichteg Evenementer aus dem Liewe vun eisen Associatiounen an: de rezente Presidentewiessel, den Neijooschpatt 2017, d’Fuesssaison vun der LLJ Maacher, de sougenannte „Bauerenhaff an der Stad“ (1. an 2. Abrëll 2017), den 43. Landjugenddag (de 25. Mee 2017, organiséiert vun der LLJ Dikrich) a vill Interessantes iwwer d…’Kooperatiounsaarbecht an Afrika vun eiser ONG-D.
Wichteg: Bedéngt duerch d’Reorganisatioun innerhalb vun eisen Associatiounen, kann et sinn, datt eenzel Memberen aus de Gruppen nach net am Fichier erfaasst sinn oder, datt et zu Doublüre beim Verschécken vun eiser neier Verbandszeitung kënnt. Zéckt deemno net, fir äis Bescheed ze soen, wann dir d’Zeitung net kritt huet oder wann dir méi Zeitungen, wéi virgesinn, an ärer Bréifkëscht virfannt.
All aner Interessenten kréien d’Zeitung och gäre nogeschéckt. Kontaktéiert äis iwwer Tel. 44743 – 252 oder secretariat@jongbaueren.lu.
Eis Membere fannen hei den Tableau mat den Terminer vun den nächste Generalversammlunge vun de regionale LLJ-Gruppen, der nationaler Associatioun “Lëtzebuerger Landjugend a Jongbaueren” an der ONG-D, deen aktualiséiert gëtt, esoubal déi respektiv Datumer festgeluecht sinn:
| Regional LLJ-Gruppen | ||
| LLJ Cliärref | 25.03.2017 | "Am Sall" zu Eeselbuer |
| LLJ Dikrich | 03.03.2017 | Am CONVIS-Gebai zu Ettelbréck |
| LLJ Furen | 10.03.2017 | "Am Bau" zu Furen |
| LLJ Maacher | 17.03.2017 | "Op der Knupp" zu Dickweiler |
| LLJ Süden | 20.01.2017 | Hal "Union des Bons Amis" zu Diddeleng |
| LLJ Uewersauer | 27.01.2017 | Um Schumann |
| LLJ Zenter | 03.02.2017 | "An der Millen" zu Biekerech |
| LLJ-Aarbechtsgruppen | ||
| Grupp Zuucht | 10.02.2017 | Am CONVIS-Gebai zu Ettelbréck |
| Fleeschranner-Jongziichter | ||
| National Associatiounen | ||
| LLJ a.s.b.l. | 28.04.2017 | Am Festsall vum LTA zu Ettelbréck |
| LLJ - Service Coopération a.s.b.l. | 27.03.2017 | An de Raimlechkeete vun der ErwuesseBildung am Bâtiment G vum Centre Convict an der Stad |
De Marc Roeder (4.v.r.) um Jongbauerendag zesumme mat dem Generalvikar Leo Wagener (2.v.r), dem Minister Fernand Etgen (1.v.r), dem LLJ-Nationalaumônier Romain Richer (2.v.l.), der LLJ-Presidentin fir de Volet Landjugend, Nelly Meyers, dem oftriedenden LLJ-President Jeff Boonen (7.v.l.) an de Membere vum Aarbechtsgrupp Agrarpolitik
Zënter deem leschte Jongbauerendag, deen den 20. November 2016 am Lycée Technique Agricole zu Ettelbréck ofgehale gouf, assuréiert de Marc ROEDER vun Tandel de Volet Jongbaueren un der zweekäppeger Spëtzt vun der Lëtzebuerger Landjugend a Jongbaueren (LLJ). Fir de Volet Landjugend ass bekanntlech d‘LLJ-Presidentin Nelly MEYERS zoustänneg.
De Marc huet deemno de Poste vum LLJ-President vu sengem Virgänger, dem Jeff BOONEN, iwwerholl. De Jeff huet d’Geschécker vun der LLJ vum November 2011 u geleet. Mir soen dem Jeff hei nach eemol e ganz, ganz grousse Merci, fir säi virbildlechen Engagement fir eise Jugendmouvement!
Mir si frou, mam Marc en neie President fonnt ze hunn, dee fir äis keen Onbekannten ass an deen sech schonn op ville Niveauen, sief dat an den Aarbechtsgruppen „Agrarpolitik“ an „Zuucht“ oder am regionale Landjugendgrupp Dikrich, fir d’LLJ agesat huet. Mat dësem Interview wëlle mir vun der Geleeënheet profitéieren, fir eise Memberen a Sympathisanten deen neien LLJ-President virzestellen. No senger éischter Interventioun an senger neier Funktioun um Jongbauerendag 2016, huet de Marc sech spontan bereet erkläert, fir am Kader vun dësem Interview op sech an seng Iddien – wat seng zukünfteg Aarbecht am Interessi vun der Associatioun betrëffen – anzegoen.
De Generalsekretär vun der „Fédération des Professionnels Agricoles du Burkina“ (FEPA-B) an der „Confédération Paysanne du Faso“ (CPF) war vum 12. bis 13. Dezember 2016 op Aarbechtsvisite zu Lëtzebuerg
Vum 12. bis 13. Dezember 2016 haten d’Vertrieder vun der ONG „Lëtzebuerger Landjugend a Jongbaueren – Service Coopération a.s.b.l.“ d’Geleeënheet, fir sech mam Här Marc Gansonré, Generalsekretär vun der FEPA-B an der CPF um Siège vun der Associatioun iwwer eng eventuell Kollaboratioun an engem zukünftege Projet auszetauschen. Weider liesen
Zambélé befënnt sech an enger karger an aarmer Géigend vum Burkina Faso, wou déi lokal Bevëlkerung haaptsächlech vun der Landwirtschaft lieft.
Am Kader vun engem éischte Kooperatiounsprojet (2015 – 2016) ass vun eiser ONG e Schoulgebai fir de Primär op der Plaz gebaut ginn. Dësweidere sinn d’Schoul an d‘Duerf mat Drénkwaasser approvisionéiert ginn.
No der exemplarescher Ëmsetzung vun dësem Projet, huet eis ONG eng weider Etapp zu Zambélé fir d’Joren 2016 – 2019 an d’A gefaasst. Domat soll de lokale Partner bei der Realisatioun vun engem Schoulkomplex ënnerstëtzt ginn, deen d’Regroupéiere vum Précoce, dem Primär an dem Secondaire op engem eenzege Site virgesäit. Iwwer dëse Wee soll virun allem garantéiert ginn, datt d’Kanner ënner verbesserte Bedéngunge léiere kënnen an de Passage vun engem Zyklus an deen aneren am eegenen Duerf vereinfacht gëtt. Weider liesen
Bis elo ware vill Informatiounen zu der Verbandsaarbecht an den Aktivitéite vun der Lëtzebuerger Landjugend a Jongbaueren op de Säite 7 – 11 vum Lëtzebuerger Duerf ze fannen. D’Lëtzebuerger Duerf gouf an Zesummenaarbecht mat der KMA, déi fir d’Säiten 2 – 6 zoustänneg war, publizéiert.
Vun 2017 un, kënnt eng eegen an iwwerschaffte Versioun vun eiser Verbandszeitung eraus. Déi Interesséiert fannen hei de “Schnupperexemplaire”, deen eise Memberen an Abonnenten am Oktober 2016 zougestallt gouf: LLJ•News. Weider liesen
Galerie mat 3 Fotoen.
En Dënschdeg, den 22. November 2016, hunn d’Pensionnairë vun der „Résidence des Ardennes” eng zweete Kéier op eng Scheckiwwerreechung zugonschte vun de Kooperatiounsprojete vun der ONG „Lëtzebuerger Landjugend a Jongbaueren– Service Coopération a.s.b.l.” op Klierf invitéiert. Am Kader vun enger … Weider liesen
Solidarische Landwirtschaft (SoLawi): Partnerschaft zwischen Konsument und Produzent
Besuch von 2 innovativen Solawi-Betrieben in der Umgebung von Bonn
Mittwoch, 21.12.2016
In der solidarischen Landwirtschaft tragen mehrere Privat-Haushalte die Kosten eines landwirtschaftlichen Betriebs, wofür sie im Gegenzug dessen Ernteertrag erhalten. Dadurch entsteht ein persönlicher Bezug zwischen Erzeuger und Konsument, den viele Verbraucher heute vermissen. Solidarische Landwirtschaft bietet zudem neues Potential, Produkte regional direkt und unabhängig vom freien Markt und dominierenden Handelsketten abzusetzen, einen neuen Betriebszweig stabil aufzubauen, den Betrieb zu diversifizieren und in direkten Kontakt mit den Konsumenten zu treten. Treffen Sie Landwirte, die ihre Produkte über dieses Prinzip vermarkten, auf ihren Höfen.
Galerie mat 48 Fotoen.
E Sonndeg, den 20. November 2016 hunn d’Lëtzebuerger Landjugend a Jongbaueren (LLJ) op hiren traditionelle Jongbauerendag agelueden, dee ganz am Zeeche vum Presidentewiessel stoung. No 5 Joer, wou de Jeff Boonen sech voll fir d’Interessie vum Jugendmouvement agesat huet, huet … Weider liesen
